أنا من الناس اللي بتحب تجرب التطبيقات بنفسها قبل ما تحكم عليها، لأن كتير منها بيبقى شكله حلو في الصور، لكن مع الاستخدام الفعلي تكتشف إن التجربة مش مريحة أو ناقصها حاجات أساسية. علشان كده قررت أدي تطبيق “رتيل” فرصة حقيقية، واستخدمه لمدة 3 أيام بشكل يومي على موبايل Vivo Y76 5G بنظام أندرويد 13.
مش هديلك انطباع سريع أو كلام نظري، لكن هحكيلك تجربتي زي ما حصلت بالظبط، من أول ما حملت التطبيق لحد ما استخدمته في حياتي اليومية، بكل المميزات اللي عجبتني، والحاجات اللي حسيت إنها محتاجة تطوير.
تجربتي مع أول انطباع بعد تحميل رتيل
أول ما فتحت التطبيق، حسيت إن التصميم بسيط ومش معقد، وده شيء مهم جدًا بالنسبة لي. في تطبيقات كتير بتكون مليانة خيارات لدرجة إنها بتشتتني، لكن هنا الواجهة كانت واضحة وسهلة.
لكن في نفس الوقت، لفت نظري إن فيه كلمة “الأذان” موجودة في الواجهة، وده خلاني أتوقع إن التطبيق هيشغل الأذان بصوت، ودي نقطة هتكلم عنها بالتفصيل بعدين.
تجربتي مع قراءة القرآن داخل التطبيق
أول حاجة بدأت بيها كانت المصحف، لأن ده أهم جزء في أي تطبيق إسلامي بالنسبة لي. بس لما فتحت المصحف في التطبيق كان محتاج يتحمل الأول من على الإنترنت.
تعدد نسخ المصحف
اللي عجبني فعلًا إن التطبيق بيوفر نسختين من مصحف مجمع الملك فهد:
- إصدار مجمع الملك فهد 1
- إصدار مجمع الملك فهد 2
وجود الاختيار ده مش منتشر في كل التطبيقات، وبيخلي المستخدم يختار الشكل اللي متعود عليه، وده بيريح جدًا أثناء القراءة.
راحة القراءة وسلاسة الاستخدام
من ناحية القراءة، التجربة كانت ممتازة. الخط واضح جدًا، ومش مرهق للعين حتى مع الاستخدام لفترات طويلة. كمان التنقل بين الصفحات سريع جدًا، وفيه منه اختيارين ممكن اقلب بشكل أفقي وممكن رأسي
استخدمت التطبيق في أوقات مختلفة خلال اليوم، وما حسيتش بأي مشكلة في الأداء. هو بس إن كل إصدار محتاج يتحمل من على الإنترنت.
تجربتي مع الاستماع للقرآن
التطبيق فيه مجموعة كبيرة من المشايخ، ودي نقطة مهمة لأي حد بيحب يسمع القرآن. كنت بقدر أتنقل بين أكتر من قارئ بسهولة. بس المشكلة أنه محتاج إني أكون متصلة بالإنترنت دايما في الأول جربت أسمع سورة الفاتحة بصوت الشيخ أحمد بن علي العجمي وعندما فتحت المكتبة بدون إنترنت لم تفتح.
قسم الأذكار والمحتوى الإسلامي
بعد ما جربت المصحف، بدأت أستخدم قسم الأذكار، وده كان من الحاجات اللي استخدمتها يوميًا.
أذكار حصن المسلم
التطبيق فيه أذكار الصباح والمساء، وكمان كل أذكار كتاب “حصن المسلم”، وده شيء مهم جدًا لأنه بيغنيك عن تحميل كتاب الأذكار.
التصميم بسيط وسهل، وده خلاني أرجع للأذكار بسهولة كل يوم.
المحتوى الإضافي (من أنواع الخير)
فيه جزء بيعرض معلومات دينية زي من أنواع الخير، لكن بصراحة المحتوى قليل جدًا. يعني فيه حديث واحد بس.
كنت متوقع يكون فيه تنوع أكبر أو مقالات أكثر، لأن النوع ده من المحتوى ممكن يخلي المستخدم يفتح التطبيق حتى خارج أوقات العبادة.
المسبحة الإلكترونية – أفضل إضافة في رأيي
جربت مسبحات كتير قبل كده، لكن المسبحة في تطبيق رتيل كانت مختلفة شوية.
الميزة اللي فرقت فعلاً
الميزة الأهم إنك تقدر تحدد عدد التسبيحات اللي أنت عايزها قبل ما تبدأ.
الميزة دي رغم إنها بسيطة، لكنها فعلاً مؤثرة جدًا:
- بتخليني مركز في الذكر
- بتشجعني أنا جدا إني أكمل للنهاية
- بتديني إحساس بالإنجاز
بالنسبة لي، دي من أكتر الحاجات اللي ممكن تخليني أستخدم التطبيق بشكل يومي.
تنبيهات الأذان – نقطة محتاجة تطوير
زي ما قلت قبل كده، وجود كلمة “الأذان” في الواجهة خلاني أتوقع إن التطبيق هيشغل الأذان بصوت.
لكن اللي حصل إن التطبيق بيبعت إشعارات بس وقت الأذان، من غير صوت فعلي. يعني كنت بجهز لصلاة الفجر وبشوف الساعة رأيت الإشعار فقط الخاص بالآذان ولم أسمعه.
النقطة دي ممكن تكون محبطة لبعض المستخدمين، خصوصًا اللي بيعتمدوا على التطبيق في معرفة الأذان.
كان الأفضل يكون فيه خيار لتشغيل الأذان صوتيًا، أو على الأقل توضيح ده بشكل صريح.
ميزة متابعة الصيام
التطبيق فيه ميزة لمتابعة الصيام، لكنها محدودة جدًا.
المتاح
- متابعة صيام شهر رمضان فقط
غير المتاح
- صيام الاثنين والخميس
- الأيام البيض
الميزة كويسة كبداية، لكنها محتاجة تطوير علشان تبقى مفيدة فعلاً على مدار السنة.
تحديد اتجاه القبلة
الميزة لم تعمل معي قمت بفتحها كي أحدد اتجاه القبلة ولكن ظهر أمامي أنه يجب أن أعطي التطبيق إذن الوصول للموقع وسمحت له ولكنها لم تعمل معي.
ميزة صدى – الابتكار الحقيقي في التطبيق
دي كانت أكتر حاجة شدتني في التطبيق.
ما هي ميزة صدى؟
الميزة دي بتخلي الشخص اللي بيتصل بيك يسمع نغمة مختلفة بدل الرنة العادية.
ليه الميزة دي مميزة؟
- مش موجودة في معظم التطبيقات الإسلامية
- بتضيف تجربة مختلفة
- ممكن تُستخدم بشكل ذكي لنشر محتوى ديني
بصراحة، دي نقطة تميز قوية جدًا للتطبيق. بس محتاج تنزل تطبيق تاني علشان تقدر تفعل هذه الخدمة.
الأداء وتجربة الاستخدام على الهاتف
جربت التطبيق على موبايلي Vivo Y76 5G بنظام Android 13، وده موبايل من الفئة المتوسطة.
خلال الـ3 أيام:
- التطبيق سريع
- مفيش تهنيج
- مفيش كراش
- التنقل سلس جدًا
وده خلاني أستخدمه براحة بدون أي مشاكل.
هل أنصح باستخدام التطبيق؟
بعد استخدام فعلي لمدة 3 أيام، أقدر أقول إن التطبيق كويس لو أنت بتدور على تجربة بسيطة ومريحة لقراءة القرآن والأذكار.
لكن لو بتدور على تطبيق شامل فيه كل حاجة زي الأذان الكامل وتتبع الصيام، ممكن تحتاج تستخدمه مع تطبيق تاني.
رأيي النهائي
تطبيق رتيل نجح إنه يقدم تجربة مريحة وبسيطة، وفيه أفكار مميزة فعلًا زي المسبحة وميزة صدى. وفي نفس الوقت، فيه شوية تفاصيل لو اتطورت، التطبيق ممكن يبقى من أقوى التطبيقات الإسلامية.
تجربتي كانت إيجابية بشكل عام، بس محتاج تطوير، وأتمنى أشوف تحديثات تحسن النقاط الناقصة.